طيحـني،سيستم”
مووووووووووووووووووووضة مش كده…

في ناس بتقول: الشاب ماشي زي الأهبل اللي على راسو ريشة،لأ مش أهبل.كده زي الطفل الصغير يعني اللي ما بيعرف قيمة اللي حواليه.بس الاختلاف انو الطفل الصغير بيحاول يتعلم.لكن للأسف الشاب ده …………….

المهم، يللا أنا عايزة اعرف الحكمة شنو من الاستايل ده.ما الواحد لما يعمل حاجة بيكون عارفها ليه، و عارف وجه القناعة اللي فيها؟

اتخيلوا انو بأميركا طلعوا قانون لردع الشباب اللي بيعملوا كده عشان ده مخالف للعادات و القيم الامريكية (جميل و عجيب مش كده).

طيب خلينا نجاوب على الأسئلة دي:
1. أول ما أهلي بدو يربوني مش كانوا بهتموا بأني أكون لابس بشكل مرتب. و لما البنطلون ينزل شوي تجي ماما رافعاه لي و شادة عليو بالحزام.يا ترى ليه؟معقولة ماما ما بتفهم في الموضة؟، و لا هي قدييييييييييييمة شديد؟.
2. طيب،لما امشي في الشارع كده، الناس اللي حولي بتفكر في شنو تجاهي؟.
3. ليه بحس بالخجل و بمشي بسرعة من قدام المرايا؟.
4. طيب، يا ربي أنا قيمتي و استقلال شخصيتي وقفوا على البنطلون الناصل ده؟ ما دام ما مقدم لي أي مصلحة ليه طيب ها الاستايل؟.
5. لو قلنا في يوم من الأيام وقع منك في الشارع.احنا ح نعمل شنو؟.أكيييييييييييد ح نضحك عليك و نقول معقووووووولة بالطول ده و ما قادر يشد البنطلون. و ح تكون حديث اطفال الحي . و كده يعني.
ههههههه بس الحياة حلوة صح؟.

بتعرف كل ده ليه،لأنك بكل بساطة قدمت للناظرين حوليك شي ما بيقيمك أو يعكس شخصيتك.بالرغم من إنك ممكن تكون انسان ما شاء الله عليك جميل و وسيم و البنات ممكن تجري وراك.و بعمايلك دي طفشت الف وحدة. معقولة كده لكن؟. و انت انسان موهوب و حنون و طيب و فيك صفات كتيييييييييييييرة جميلة.بلاش يا خوي.
خليها حلوة.